第一日寫blog

最主要寫blog既原因係因為我覺得自己有好多野想講同分享,但係又無咩渠道,所以決定分享俾自己同留個回憶,起碼記得自己以前係點諗野.

今日主題係吾日三省吾身,隨住HIGH DIP畢業,我覺得自己係時候認真D去做人,認真咁樣去面對自己人生,簡單黎講係做一個更好既[人],更好既伴侶,於是我開始審視自己做人既方法到底有咩問題.

1.懶,拖
大部份既野我都係殺到埋身先會做,趕係趕到出黎既,結果當然係質素差,太習慣拖得就拖


2.暴燥
以前中學反而唔係好覺自己暴燥,因為果陣比起而家更加內向,過左四年之後係外向左,同時都更加暴燥,喜怒形於色係最大問題,最近三日我分別同HIGHDIP, FOUNDDIP 同中學既人聚過,三日都有發脾氣既傾向,雖然三日裡面有兩日我係認為發脾氣係合理既,但係我認為,脾氣既野,基本上係無損害你利益既情況之下,係無咩需要發出黎,搵其他渠道宣洩未嘗不可,呢個係我開BLOG既其中一個原因,朋友多總好過朋友少,最後結論係盡量唔好發脾氣,特別係工作層面上.

3.僧人富貴厭人窮
討厭人地哂命同比自己優越,但同時會係自己比對方優勝既層面產生出無限既優越感,呢一樣係我收得最密實同時係好嚴重既壞處,基本上朋友係某方面獲得成功係應該高興,但在我而言,嫉妒多過羨慕,係另一方面,我又會好鄙視係某一方面比我差既人,舉個例子,我會不停用言語上攻擊其他身材極肥既人,我會有一種身材比佢好既極大優越感.我諗主因係我無咩比人優越,健身係我其中一樣自豪既野,所以先會出現呢種咁畸型既心理,竟然係自己健身既同時同D食食食既比較身材,真係夠哂白痴同低能

我諗真係要改一改先,我做人先會快樂D同令身邊既人快樂D,今日打住咁多先